АСТАНА, 24 сәуір — Sputnik. Қазақстан мектептерінде түлектер кеші 15 маусымда өтеді. Бұл туралы білім және ғылым министрі Ерлан Сағадиевтің блогында хабарланды.
"Білім және ғылым министрлігі 2017-2018 оқу жылының түлектеріне аттестат тапсыру салтанатты кешін республика бойынша 15 маусымға белгіледі", — делінген министр блогында.
Түлектер кешінің тақырыбы Астананың 20 жылдығымен байланысты болады.
9 (10)–сыныптар үшін қорытынды емтихандар 28 мамыр мен 8 маусым аралығында өтеді, мемлекеттік емтихандар — 29 мамыр мен 30 маусым аралығында. 11 (12)–сыныптар үшін емтихандар 29 мамырда басталып, 9 маусымға дейін созылады.