АСТАНА, 24 сәуір — Sputnik. Қазақстанның сыртқы істер министрлігі Торонтодағы оқиға кезінде қазақстандықтардың зардап шеккен-шекпенін тексеріп жатыр.
"Біздің Канададағы дипломаттарымыз жергілікті полициямен тығыз байланыс орнатып, Торонтода жаяу жүргіншілерді шағын автобустың қағып кетуі салдарынан қаза болған және зардап шеккендердің арасында Қазақстан азаматтарының бар-жоғын анықтап жатыр. Осы сәтке дейін қазақстандықтар туралы мәлімет түскен жоқ", — деп хабарлады сыртқы саяси ведомствоның баспасөз қызметінің жетекшісі Әнуар Жайнақов әлеуметтік желідегі парақшасында.
Торонтода шағын автобус жаяу жүргіншілерді басып кетті – он адам қаза болды, тағы 15-сі зардап шекті. 25 жастағы жүргізуші Алекс Минассян неліктен мұндай қадамға барғаны әзірге белгісіз.