АСТАНА, 12 сәуір – Sputnik. Менеджер Анна Рева Sports.kz-ке берген сұхбатында қазақстандық шәкірті Садриддин Ахмедовтың кәсіпқой бокстағы алғашқы жекпе-жегіндегі жарқын жеңісін канадалықтар қалай қабылдағанын айта келе, бұл боксшының болашағы туралы пікірін білдірді.
"Канадалықтар қатты таңғалды, кейбірі тіпті не болғанын түсінген жоқ, өйткені жекпе-жек өте қысқа болды. Біздің промоутерлер оған үлкен үміт артып отырғанын ғана атап өте аламын. Жанкүйерлердің көбісі оны танымайтыны түсінікті, алайда бұл уақыттың еншісіндегі шаруа", — деп есептейді боксшының өкілі.
Естеріңізге сала кетейік, Садриддин Ахмедов мексикалық Тони Баррерасты жекпе-жектің 31 секундында нокаутқа жіберді.