АСТАНА, 5 сәуір – Sputnik. Мемлекет басшысы Нұрсұлтан Назарбаев премьер-министрдің орынбасарлары Ерболат Досаев және Өмірзақ Шөкеевке "үй тапсырмасын" берді, деп хабарлайды Sputnik Қазақстан тілшісі.
"Мен талай рет айттым (Досаевқа қарап – автор ескертп.), экономика бойынша сен де мұны ескеріп, қарауың керек. Біз әлі де көп азық-түлікті, ет, шұжық, көкөніс пен жемісті сырттан тасимыз. Мұның бәрі өзімізде бар. Мүмкін, нанды да сырттан әкеліп жүрген шығармыз (Шөкеевке қарап – автор ескертп.)? Екеуіңе онда үй тапсырмасы. 100 пайыз қамтамасыз ету мүмкін еместігін түсінемін, бірақ ұйымдастырушылық болу керек", — деді президент.
Астанада Нұрсұлтан Назарбаевтың төрағалығымен қаланы одан әрі дамыту мәселелері бойынша кеңес өтіп жатыр.