АСТАНА, 2 сәуір — Sputnik. Орал қаласында авиамектеп қоршауының артынан 46 жастағы аула сыпырушының денесі табылды, деп жазады "Мой город" порталы.
Оқиға орнына бірден жедел жәрдем бригадасы аттанды, алайда дәрігерлер тек ер адамның өлгенін жеткізді.
Авиамектеп қызметкерлері Артур есімді 46 жастағы аула сыпырушының әдеттегідей жұмысқа таңғы 9-да келгенін айтты.
"Ол өзіне берілген тапсырманы орындау үшін жұмыс орнына кетті, алайда біраз уақыттан кейін гараж артынан мәйіті табылды", — деді авиамектептегілер.
Оқиға орнында полицейлер жұмыс істеп жатыр. Істің мән-жайы анықталуда.