"Қазақстан аруы" байқауының айшықты суреттері

Финалдық шоудың қалай өткенін, арулардың арасында қайсысы топ жарғанын, 3 миллион теңгені "Қазақстан аруы" жеңімпазы қайда жұмсайтынын Sputnik Қазақстан фотолентасынан оқыңыздар.

1 / 14

Байқау қатысушыларының көйлектері ұлттық нақышта безендіріліп, арулардың келбетін әсем әшекей-бұйымдар одан сайын ажарландыра түсті.

2 / 14

Бойжеткендер саханаға этностық-casual стиліндегі образбен шығып, көрермендерді ерекше сұлулығымен таңғалдырды.

3 / 14

Ақылына көркі сай, қыпша бел қыздар мың бұрала сахнаға шығып, әділ қазылардың назарына түсу үшін барын салды.

4 / 14

"Қазақстан аруы" байқауы Наурыз мейрамымен қатар келгендіктен, бағдарлама ұлттық салт-дәстүр мен халқымыздың өнерін айшықтауға бағытталды.

5 / 14

Бұдан бөлек, өнерлі қыздарымыз кішкентай күнінен бойына сіңірген ерекше қабілеттерін ортаға салды.

6 / 14

Дәстүр бойынша, дарындылар шоуында жеңімпаз атанған ару бірден үздік 15 қыздың қатарына кіреді.

7 / 14

Дауыс беру жарнасы мен билеттер сатылымынан түскен қаражат түгелдей қайырымдылық шараларына жұмсалмақ.

8 / 14

Қарағанды аруы ұлттық үлгідегі киіммен сахна төріне шықты.

9 / 14

"Қазақстан аруы" байқауының финалдық шоуында еліміздің түпкір-түпкірінен келген ең сұлу 30 қыз сайысқа түскен.

10 / 14

Әділ қазылар ең үздік бес бойжеткенді анықтап, смс арқылы және онлайн режимде ең көп дауыс жинаған ару "Қазақстан аруы" атағына ие болды.

11 / 14

Атыраулық Альфия Ерсайын "Қазақстан аруы" атанып қана қоймай, 3 миллион теңге сыйақы иеленді.

12 / 14

Кең пейілді бойжеткен бүкіл қаражатты қайырымдылық мақсатта жұмсайтынын мәлімдеді.

13 / 14

"Қарағанды аруы" 19 жастағы Екатерина Дворецкая І вице-мисс атанды.

14 / 14

Альфия Ерсайын небәрі 16 жаста болса да, қазірдің өзінде сән әлемінде модельдік мансабын бастап кеткен.