АСТАНА, 30 наурыз — Sputnik. Қазгидромет алдағы үш күнге ауа райы болжамын ұсынды, деп хабарлайды Sputnik Қазақстан.
Демалыс күндері Каспийдің оңтүстігінде қалыптасқан циклон Қазақстандағы ауа-райына әсерін тигізеді. Оңтүстік облыстарда жаңбыр, кей жерлерде найзағай ойнап, желдің екпіні 18-25 м/с-ке дейін жетеді.
Солтүстік және шығыс облыстарда циклондардың өтуіне байланысты қары басым болатын жауын-шашын, кей жерлерде боран болады, желдің екпіні 18-25 м/с-ке дейін күшейеді.
Ресейдің орталық аудандарының еуропалық бөлігінен Қазақстанның батыс облыстарына антициклонның ығысуына байланысты, ауа температурасы жоғарылап, күн ашық болады деп болжанып отыр.