АСТАНА, 30 наурыз — Sputnik. Алты облыста 6 сәуірге дейін дабылды ескерту жарияланды, деп хабарлайды Sputnik Қазақстан.
"31 наурыз — 6 сәуір аралығында Батыс Қазақстан, Ақтөбе облыстарында еріген қар ағыны қалыптасып, жауын-шашын мен ауа температурасының жылынуына байланысты су деңгейлерінің көтеріліп, судың тасу қаупі бар", — деп хабарлайды Қазгидромет.
Бұдан бөлек, 2-6 сәуір аралығында Қызылорда, Оңтүстік Қазақстан, Жамбыл, Алматы облыстары мен Алматы қаласында жылы ауа температурасы сақталып, жауын-шашынның (кей жерлерде қатты) болуына байланысты су деңгейінің көтерілуі болжанып отыр.