АСТАНА, 28 наурыз — Sputnik. Алматыда велосипед мінген қыз жүк көлігінің астына түсті.
Оқиға куәгерлері Sputnik Қазақстан агенттігіне хабарлағандай, қоқыс таситын жүк көлігі Лавренев көшесімен солтүстік бағытта келе жатқан.
КамАЗ жүргізушісі базаға апаратын жолға бұрыла бергенде, тротуарда велосипедпен кетіп бара жатқан қызды қағып кетті. 2002 жылы туған зардап шегуші ауыр хәлде ауруханаға жатқызылды. Кейінірек дәрігерлер оның аяғын кесіп алып тастады.
Оқиғаның мән-жайын полиция анықтайды.