АСТАНА, 24 наурыз — Sputnik. Алматы-Қапшағай трассасында жол апаты болып, бір адам қаза тапты, деп хабарлайды Sputnik Қазақстан.
Алматыдан шыққан Audi көлігінде жүргізуші мен бір жолаушы отырған. Көлік иесі сол жолаушы екен.
Жүргізушінің айтуынша, жолда келе жатқанда мас жолаушы рөлге жармасып, бір мезетте көлік жыраға ұшып кеткен.
Жол апатынан жолаушы оқиға орнында қаза тапты. Жүргізушіге жедел жәрдем дәрігерлері көмек көрсетті.
Апат орнында жол полициясы жұмыс істеп жатыр, олар оқиғаның мән-жайын анықтайды.