Алматыда Ұлыстың ұлы күнін қалай қарсы алды?

Алматыдай жайма-шуақ қалада жыл сайын Ұлыстың ұлы күнін ерекше ойын-сауықпен тойлайды.

Жүздері бал-бұл жанып, мейрамдап жүрген қала тұрғындары, ұлттық ойындар мен әдет-ғұрыптар — осының бәрін біздің фотолентамыздан тамашалай аласыздар.

1 / 12

Көктем мен табиғаттың жаңару мерекесі - Орта Азия халықтарының ең сүйікті мейрамы.

2 / 12

Көнеден келе жатқан мейрам болса да, ерекше қуанышпен тойланып, бүгін де жаңа рухани-этникалық мәнге ие болған.

3 / 12

Ежелгі жылнама бойынша, бұл күн 22 наурызға, яғни көктемгі күн мен түннің теңелуіне дөп келеді.

4 / 12

Сол себепті қазақтар бұл айды Наурыз деп атайды.

5 / 12

Дәл осы күні табиғат қысқы ұйқыдан оянып, жаңарады деп есептеледі.

6 / 12

Бұл күні қар жауса, жақсылықтың нышаны деген сөз.

7 / 12

Тіпті қазақ ертегілеріндегі ару қыздардың сұлулығы осы Наурыз күнгі жауған аппақ қарға теңеледі.

8 / 12

Наурыз - Ұлыстың ұлы күні.

9 / 12

Халықтың наным-сенімі бойынша, Наурыз мейрамын ұлан-асыр етіп, қызық думанмен тойласа, жыл бойы молшылық, ырыс-береке жоғалмайды.

10 / 12

Наурыз қарсаңында үй іші тазаланып, адамдар біреуден алған қарызын қайтаруға тырысқан.

11 / 12

Бір-бірімен ренжіскен жандар болса, ымыраға келіп, қайта татуласып, қауышқан.

12 / 12

Алматыдағы Наурыз мейрамын тойлау сәті.