АСТАНА, 23 наурыз — Sputnik. Алматыда Volkswagen Golf себепкер болған жол апаты салдарынан екі көлікке зақым келді, деп хабарлады құқық қорғау органдары Sputnik Қазақстан агенттігіне.
Жол апаты Момышұлы көшесі бойында Шаляпин көшесіне жетпей "Спутник" сауда орталығының қарсы алдында болған. Оқиға куәгерлерінің айтуынша, Volkswagen Golf Момышұлы көшесімен оңтүстік бағытта қатты жылдамдықпен келе жатады. Сауда орталығының алдында жүргізуші неге екені белгісіз рөлге ие бола алмай, жолдың шетінде тұрған DAEWOO Nexia көлігіне соғылған.
Қатты соққыдан DAEWOO алдыға қарай ығысып, тұрақта тұрған Hyundai Sonata көлігін қағады. Golf қатты соққыдан қарсы беттік қозғалыс жолағына шығып кетіп, бордюрге соғылған.
Оқиға куәгерлері Volkswagen Golf көлігіне жүгіріп барып, зардап шеккен жүргізушіні алып шығады. Ер адам ауыр хәлде ауруханаға жатқызылды. Өзі мас болған екен, ал көлігінен сыра бөтелкелері табылған.
Полиция болған оқиғаның анық қанығын тексереді.