АСТАНА, 19 наурыз — Sputnik. Орта салмақтағы әлем чемпионы Геннадий Головкин (37-0-1, 33 КО) мен мексикалық Сауль "Канело" Альварестің андеркартында кімдер өнер көрсететіні анықталды, деп хабарлайды prosports.kz.
Golden Boy Promotions президенті Эрик Гоместің айтуынша, екінші жеңіл салмақ дәрежесінде чемпиондық жекпе-жек өтеді.
WBA чемпионы пуэрториколық Альберто Мачадо (19-0, 16 КО) мен титулға міндетті үміткер ганалық Рафаэль Менс (31-0, 23 КО) кездеседі.
Естеріңізге сала кетейік, Головкин мен "Канело" 5 мамыр күні Лас-Вегаста кездеседі.