АСТАНА, 19 наурыз — Sputnik. Белгілі бизнесмен Тұрсынғали Алагөзовтің ұлы Арсен әкесін үйден қуып шығуды талап етіп отыр. Жас жігіт Алматының Бостандық аудандық сотына тиісті талап-арыз түсірген.
Талап-арызды кері қайтаруға немесе қабылдаудан бас тартуға ешқандай негіз болмағандықтан, сот оны өндіріске қабылдап, азаматтық іс қозғады.
"А.Алагөзовтің Т.Алагөзовті басқа да тұратын адамдармен үйден шығару туралы талап арызы сот өндірісіне қабылдансын. Азаматтық іс қозғалсын. Сот өндірісінің тілі – орыс тілі болып белгіленсін", — делінген хабарламада.
Тараптар сот талқылауына 29 наурызға шақырылды.
Айта кетсек, Тұрсынғали Алагөзов танымал продюсер Баян Мақсатқызының жұбайы. Екеуі өткен жылдың желтоқсанында үйленген болатын.