АСТАНА, 19 наурыз — Sputnik. Қостанайда пышақталған 15 жасар қыздың әкесі пышақ жарақатымен ауруханада жатыр, оны полицейлер күзетіп отыр.
Кеуде тұсынан пышақталған ер адам облыстық ауруханаға жеткізілген. Ол жан сақтау бөлімінен мамандандырылған ауруханаға ауыстырылды.
"Болжамдардың бірі бойынша ер адам алдымен қызын өлтіріп, содан кейін өзінің кеудесіне пышақ салған. Алайда күдіктінің өзі полицияның бұл болжамын жоққа шығарды ", — деп жазды "Наша газета" порталы.
17 жастағы қыздың денесін оны кішкентайынан қамқорлығына алған туысы тауып алыпты. Әкесі қыздың анасын өлтіргені үшін сотталып, екі жыл бұрын рақымшылықпен бостандыққа шыққан екен.
Достарының айтуынша, ол сол күні кешке әлеуметтік желілердің біріне үйінде жанжал ма, айғай шу ма, бірдеңе болып жатқанын жазған.
Қостанай облысы ІІД жасөспірімнің өліміне қатысты ресми хабарлама әзірленіп жатқанын айтты.