АСТАНА, 17 наурыз – Sputnik. Лондоннның империялық колледжі мен Кембридж университетінің ғалымдары адам ұйықтап жатқан кезде мида қандай процестер жүретінін анықтады, деп жазады РИА Новости.
Ғалымдар баяу ұйқы сатысында еске түсірумен байланысты процестерге талдау жасады. Бұл үшін олар тышқандардың нейронын зерттеген.
Ғылыми мекеме қызметкерлері ұйқы кезінде өзекті ақпарат сақтайтын нейрондар арасындағы байланыс берік бола түсіп, ал маңызды емес мәліметтердің байланысы әлсіреп, жоғалып кетеді деген пайымға келді.
"Адамның уайымы мен оның маңызына қарай тиісті нейрондық байланыстардың өлшемі өзгеріп тұрады", — дейді зерттеу жұмысының авторы Ана Гонсалес Руэда.
Руэданың айтуынша, бұл тетік жүйке жүйесінің қатты қозуын тежейді. Бұған қоса, ми еш ақпаратты жоғалтпасқан ұзақ уақыт бойы маңызды мағлұматты есте сақтауға мүмкіндік алады.
"Мидың есте сақтау қабілеті жақсы болғанымен, нейрондардың байланысы менн олардың белсенділігі үшін көп энергия қажет. Сондықтан тек қажетті ақпаратты ғана есте сақтау тиімдірек", — деп атап өтті зерттеуші.