АСТАНА, 15 наурыз – Sputnik. Бақытты елдер рейтингінде Қазақстан Өзбекстан мен Ресейден кейін 60-орынға орнықты.
Әлемдегі ең бақытты ел Финляндия болып шықты. Алғашқы ондыққа сонымен бірге Норвегия, Дания, Исландия, Швейцария, Нидерланды, Канада, Жаңа Зеландия, Швеция мен Австралия кірді.
Ең бақытсыз елдер – Гаити, Либерия, Сирия, Руанда, Йемен, Танзания, Оңтүстік Судан, Орталық Африка Республикасы мен Бурунди.
Қазақстан аталған рейтингте – 60-орында. Өзбекстан 44, ал Ресей 59-орынға тұрақтаған.
Бақытты елдер рейтингін жасау кезінде азаматтардың өмір сүру ұзақтығы, жан басына шаққандағы ЖІӨ, басқа да экономикалық көрсеткішкер ескеріледі.