АСТАНА, 13 наурыз — Sputnik. Алматы облысында сот туған ағасын ұрып өлтірген шетелдікті тоғыз жылға бас бостандығынан айырды, деп хабарлайды өңірдің ІІД баспасөз қызметі.
2017 жылдың қазанында Жаркенттегі жеке тұрғын үйлердің бірінде зорлық-зомбылық белгілері бар қарт адамның денесі табылған. Оқиға орнына келген полицейлер жәбірленушінің жақын туыстарының бірін ұстады, ол тергеу барысында ауыр қылмыс жасағанын мойындады.
"Күдікті, 1942 жылы туған Өзбекстан азаматы, жәбірленушінің туған бауыры. Ер адам туыстарына қонаққа келіпті, бірақ отырыс кезінде қатты масайып, үй иесін өлгенше соққыға жыққан. Оқиға бойынша тергеу жұмыстары жүргізілді", — деп мәлімет берді облыстық полиция.
Панфилов аудандық сотының үкімімен сотталушы 9 жылға бас бостандығынан айырылды.