АСТАНА, 12 наурыз – Sputnik. Синоптиктердің болжамынша, алдағы үш күнде Қазақстан аумағынан өтетін атмосфералық ағымдардың әсерінен солтүстікте қар, оңтүстікте қар аралас жаңбыр жауады, тұман түсіп, көктайғақ болады, ауа температурасы төмендейді.
"12-14 наурызда Алматы, Жамбыл, Оңтүстік Қазақстан облыстарында жауын-шашын (негізінен жаңбыр) түседі. Осыған байланысты, мұздар еріп, жазық жерлерде және таулы өзендерде беткейлі ағын пайда болуы мүмкін. Су деңгейі көтеріліп, алқаптарға жайылуы мүмкін.10 наурыздағы жерді қашықтықтан зондтау (ЖҚЗ) суреттері бойынша Алматы облысы аумағының 22%-да, Жамбыл облысы аумағының 3%-да, Оңтүстік Қазақстан облысы аумағының 3%-да қар жамылғысы жатыр", — делінген хабарламада.
12-13 наурызда Қызылорда облысында Сырдария өзенінде мұздың еруінен су арнасынан тасуы мүмкін.