АСТАНА, 1 наурыз — Sputnik. Алматыда Қарасу шағын ауданында жантүршігерлік жол апаты болды, деп хабарлады құқық қорғау органдары Sputnik Қазақстан агенттігіне.
Оқиға куәгерлерінің сөзіне сүйенсек, Toyota Highlander Солтүстік шеңбермен солтүстік бағытта келе жатқанда, жүргізушінің жүрегі ұстап қалған. Жол талғамайтын көлік бордюрден асып, қарама-қарсы бағыттық қозғалыс жолағынан өтіп барып, бағанаға бір-ақ соғылады.
Жүргізуші жедел жәрдем келгенше оқиға орнында жан тапсырды. Полиция мән-жайды анықтап жатыр.