АСТАНА, 27 ақпан — Sputnik. Солтүстік Қазақстан облысы әкiмдiгiнiң отырысында Наурыз мерекесiне дайындық барысы талқыланды. Биыл Наурыз мейрамы Петропавл қаласының жаңа орталық алаңында тойланатын болды, деп хабарлады облыс әкімдігінің баспасөз қызметі.
"Жыл сайын аудан әкiмi бастаған делегациялар концерттiк бағдарламамен келетiн едi. Аудан әкiмдерi мейрам кезiнде өз орындарында болу керек. Мейрамды өз күшiмiзбен өткiзе аламыз", — дедi өңiр басшысы.
Облыс әкiмi Наурыз мейрамын тойлау кезiнде киiз үйлерде жабық ас беруге тыйым салды.
"Бiз киiз үйлердi жауып, онда тамақ беремiз. Халықтың көкейінде оның iшiнде кiмге тамақ берiп жатыр деген сұрақ туындайды. Онда көп балалы аналарға, ардагерлерге, мүгедектерге тамақ берiлетiн. Оларға мерекенiң қарсаңында ұйымдарда мерекелiк шараларды ұйымдастыру керек. Киiз үйлер ашық болуы тиiс, оның iшi тиiсiнше безендiрiлiп, бiздiң салт-дәстүрлерiмiздi барынша паш ету қажет. Киiз үйдi таңертең қойып, кешке жинап жатады. Киiз үйлер барлық мереке күні жұмыс iстеуі керек", — деп атап өттi аймақ басшысы.
Сондай-ақ басты мейрамға Ресейдiң көршiлес өңiрлерiнен қонақтар да шақырылады.