АСТАНА, 25 ақпан — Sputnik. Синоптиктердің болжауынша бүгін атмосфералық фронттардың өтуіне байланысты еліміздің басым бөлігінде ауа-райы құбылып тұрады, кей жерлерінде қар жауып, жел күшейеді, жаяу бұрқасын, батысында көктайғақ болады. Республиканың басым бөлігінде тұман түседі, деп хабарлайды Қазгидромет.
Солтүстік Қазақстан, Шығыс Қазақстан облыстарының кей жерлерінде тұман түсіп, жаяу бұрқасын соғып, желдің күші 15-20 м/с жетеді.
Жамбыл, Оңтүстік Қазақстан облыстарының кей жерлерінде тұман түсіп, жел 15-20 м/с күшейеді.
Ақмола, Батыс Қазақстан, Қостанай, Қарағанды облыстарының кей жерлерінде тұман түсіп, жаяу бұрқасын болады.
Қызылорда, Маңғыстау, Атырау, Ақтөбе, Павлодар облыстарының кей жерлерінде тұман түседі, Атырау облысында көктайғақ болады.