АСТАНА, 24 ақпан — Sputnik. Алматыда Сейфуллин көшесінде көлік жаяу жүргіншіні қағып кетті, деп хабарлайды құқық қорғау органдары Sputnik Қазақстан агенттігіне.
Оқиға куәгерлерінің сөзіне сүйенсек, Toyota Camry Сейфуллин көшесімен келе жатқанда, алдынан жаяу жүргінші атып шығыпты. Жүргізуші тоқтап үлгермей, бар жылдамдығымен адамды қағып кеткен.
Жаяу жүргінші капотқа соғылып, алдыңғы терезені шағып, көліктен асып бір-ақ құлады. Ер адамды қаққан көлік 10-15 метрдей жүріп барып тоқтаған.
Куәгерлердің сөзіне сүйенсек, жаяу жүргінші мас болған екен. Ол көптеген жарақат алып, ауыр хәлде ауруханаға жеткізілді.