АСТАНА, 20 ақпан — Sputnik. Ақтау әкімдігі, қалалық мәслихат және Маңғыстау облысы әкімдігінің кіреберісіндегі апострофпен жазылған маңдайша жазулар алынып тасталды, деп жазады өңірлік "Лада" басылымы.
Мемлекеттік мекемелердің кіреберісіндегі латын әліпбиімен жазылған жазулар былтыр қазан айында пайда болған еді. Сол кезде жергілікті билік өкілдері алғашқылардың бірі болып, президенттің жаңа әліпбиге ауысу тапсырмасын қолға алған. Еске сала кетсек, Қарағанды мен Астанада апострофпен жазылған кітаптар жарық көрді.
Нұрсұлтан Назарбаев 19 ақпанда бекіткен қазақ әліпбиінде апостроф жоқ, 32 әріптен тұрады.