АСТАНА, 19 ақпан — Sputnik. Алматы облысында із-түзсіз жоғалып кеткен екі жасөспірім іздестіріліп жатыр, деп хабарлайды өңірдің ішкі істер департаменті баспасөз қызметі.
Полиция мәліметінше, оқушылардың бірі – Нұрбек Сейітхан 2017 жылдың 16 желтоқсанында Талдықорғанда жоғалған, екіншісі – кәмелеттік жасқа толмаған Александра Плигина Талғар ауданы Ақтас ауылында биыл 8 қаңтарда үйінен шығып, қайта оралмапты.
Мектеп оқушыларының суреті әлеуметтік желідегі өңір полициясы парақшасында жарияланған.
Алматы облысында жоғалып кеткен оқушылар
© Photo : Алматы облысы ІІД
Жоғалып кеткен жасөспірімдерді көрген жандар болса, Талдықорған қаласы ІІБ кезекші бөліміне хабарлассын: 8-7262-608067 (68), Алматы облысы ІІД іздеу бөлімі: 8-7282-608233 немесе 102 нөміріне қоңырау шалуға болады.