АСТАНА, 17 ақпан — Sputnik. "Уфа" футбол командасының шабуылшысы, қазақстандық Еркебұлан Сейдахмет FIFA 18 видео ойынында пайда болды, деп хабарлады спорттық комментатор Петр Воликов.
Сейдахметті өз командасына қосу үшін, видео ойыншылар FIFA 18 нұсқасын жаңартуы тиіс. Футболшының ең үздік жақтары – жылдамдық алуы, тепе-теңдік және алға жылжу қарқыны.
Ақпан айында "Уфа" клубының Сейдахметпен келісім жасасқаны белгілі болды. Ол бұрын Тараздың "Монтажник" командасы құрамында жаттықан еді.
Жас спортшы қазір "Қазақ Мессиі" деген атпен спорт сүйер қауым арасында танымал.