АСТАНА, 16 ақпан — Sputnik. Былтыр қарашада Алматыдағы арнайы операция кезінде ұсталған Дәурен Әлеухановқа үкім шығарылды, деп хабарлайды Sputnik Қазақстан тілшісі сот залынан.
23 жастағы Дәурен Әлеуханов былтыр қараша айында ұсталған: брондалған көлікті тоқтату үшін полиция оқ атуға мәжбүр болыпты. Көлікті тінту барысында автомат, 30 оқ пен аңшы пышағы және бронежилет табылды.
"Жаза ретінде екі жарым жылға бас бостандығынан айыру", — деп үкімді оқыды Бостандық ауданы №2 сотының судьясы Жанат Бекжанов.
Сонымен бірге, Әлеуханов үш жылға көлік айдау құқығынан айырылды.