АСТАНА, 15 ақпан — Sputnik. Алматыда Сүйінбай даңғылы бойында Бекмаханов көшесіне жетпей жол апаты болды, деп хабарлайды Sputnik Қазақстан тілшісі.
Mercedes Сүйінбай даңғылы бойымен оңтүстік бағытта келе жатып, Бекмаханов көшесінен бұрылатын жерде рөлге ие бола алмай қалған. Көлік шыр көбелек айналып, бағанаға соғылады да, бірнеше рет аударылып түседі.
Жол апатынан үш адам зардап шекті. Жүргізуші әртүрлі жарақатпен ауруханаға жатқызылған, зардап шеккен 2001 жылы туған жолаушы қыз ауруханада көз жұмды. Тағы бір жолаушы дін аман қалған.