АСТАНА, 14 ақпан — Sputnik. Subaru Legacy көлігін мінген жүргізуші қатты жылдамдықпен бағдаршамға соғылды, деп хабарлады оқиға куәгерлері Sputnik Қазақстан агенттігіне.
Олардың мәліметінше, жол апаты сейсенбіден сәрсенбіге қараған түні Абылай хан даңғылы мен Мәметова көшесі қиылысында болған.
Куәгерлердің сөзіне сүйенсек, Subaru Legacy Абылай хан даңғылында қатты жылдамдықпен келе жатыпты. Жүргізуші неге екені белгісіз рөлге ие бола алмай қалып, бар жылдамдықпен бағдаршамға соғылған. Қатты соққыдан көліктің күл-талқаны шығады.
Жол апаты салдарынан жүргізуші зардап шегіп, әртүрлі жарақатпен ауруханаға жатқызылды.