АСТАНА, 19 қаңтар — Sputnik. Алматыда Range Rover қар тиелген КамАЗ-ға соғылып, салдарынан бір адам қаза тапты.
Жол апаты Талғар тас жолында, "Думан" шағын ауданына қарама-қарсы жерде болған. Оқиға куәгерлері Sputnik Қазақстанға хабарлағандай, Range Rover көлігі Талғар тас жолымен шығыс бағытта кетіп бара жатады. Неге екені белгісіз жүргізуші қар тазалап жүрген КамАЗ көлігіне соғылып қалды.
Көліктің жанып кетуінің алдын алу мақсатында оқиға орнына өрт сөндірушілер аттанған.
Көлік апаты салдарынан оқиға орнында Range Rover жолаушысы көз жұмды. Жүргізуші ауыр хәлде ауруханаға жатқызылыпты.
Жол полициясы қызметкерлері оқиғаның мән-жайын анықтайды.