АСТАНА, 17 қаңтар — Sputnik. АҚШ президенті Дональд Трамп Нұрсұлтан Назарбаевпен кездесуінің видеосын Twitter-дегі жеке аккаунтында жариялады. Видеороликті бір миллионнан астам адам көрді.
"Бүгін Ақ үйде Қазақстан президенті Нұрсұлтан Назарбаевты қарсы алу мен үшін құрмет", — деп жазды Трамп.
Today, it was my honor to welcome President Nursultan Nazarbayev of Kazakhstan to the @WhiteHouse! pic.twitter.com/TerYFZViax
— Donald J. Trump (@realDonaldTrump) 16 января 2018 г.
Қазақстан президенті Нұрсұлтан Назарбаев АҚШ-та ресми сапармен жүр. Кездесу барысында мемлекет басшысы мен АҚШ президенті саяси және қауіпсіздік мәселелері бойынша ынтымақтастықты нығайтуға уағдаласты. Қазақстан президентінің айтуынша, келіссөздер барысында Солтүстік Корея төңірегіндегі ахуалға, сондай-ақ Вашингтон мен Мәскеу арасындағы қатынастардың күрделене түсуіне байланысты мәселелер талқыланды.