АСТАНА, 15 қаңтар— Sputnik. Шымкентте жолаушылар автобусы жедел жәрдем көлігіне соғылды, деп хабарлайды TVK телеарнасы.
Оқыс оқиға бүгін күндізгі сағат 10:00 шамасында Тәшенов және Төреқұлов көшелерінің қиылысында болды.
Куәгерлердің айтуынша, нөмірі 78-ші бағыттағы автобус жедел жәрдем көлігінің артынан соғылған. Абырой болғанда жолаушылар дін аман. Жедел жәрдем науқасты ауруханаға жеткізіп, станцияға келе жатқан екен.
Оқиға орнына келген полиция қызметкерлері жол апатының себебін анықтап жатыр.