АСТАНА, 13 қаңтар — Sputnik. Алматыда қатты соққыдан көлік бірнеше метрге ұшып кетті, деп хабарлайды оқиға куәгерлері Sputnik Қазақстан агенттігіне.
Момышұлы көшесімен келе жатып, Рысқұлов даңғылына жете бергенде, Toyota Camry көлігі бағдаршамның қызыл жарығына тоқтайды. Сол кезде артында келе жатқан Daewoo Nexia бар жылдамдықпен соғылған.
Қатты соқыдан Toyota бірнеше метрге ұшып кетіпті, ал Daewoo жол үстінде шыр көбелек айналған. Екі көлік те күл-талқаны шығып бүлінді.
Жол апаты салдарынан Nexia көлігінің жүргізушісі ауруханаға жатқызылды.