АСТАНА, 11 қаңтар — Sputnik. Автобус жеңіл көлікпен соқтығысып, ақыры ағашқа бір-ақ соғылды. Жол апаты Алматыда Төле би көшесі бойында Шагабутдинов пен Мұқанов көшелерінің арасында болыпты.
Sputnik Қазақстан агенттігіне оқиға куәгерлері айтқандай, автобус пен Mitsubishi Lancer көлігі шығыс бағытта кетіп бара жатқан.
Mitsubishi алдында келе жатқан көлік күрт тоқтап, кері бұрылмақ болады. Mitsubishi жүргізушісі соқтығыспау үшін рөлді оңға шұғыл бұрып, автобусты қағып кетеді, ал автобус жүргізушісі де жол апатын болдырмаймын деп рөлді тез бұрып қалып, ағашқа соғылады.
Жол апатынан автобустың бес жолаушысы зардап шекті — екеуі ауруханаға жатқызылған.