АСТАНА, 8 қаңтар — Sputnik. Танымал қазақстандық әнші Димаш Құдайберген әлемдік турнесі кезінде Қазақстанға келді.
Орындаушы осыдан бір жарым ай бұрын әлемдік турнесін бастайтынын мәлімдеген еді.
"Мен Қазақстанға келдім. Аз-маз демалысымды ата — анамның қасында жəне студияда өткіземін", — деп жазды әнші әлеуметтік желіде.
Бұдан бөлек, Димаш табынушыларының қошеметі мен айғайлаған даусы естілетін видеоны жариялап, "Мен жанкүйерлерімнің жанкүйерімін" деп жазған.
Димаш Құдайбергеннің әлемдік турнесін 13 елдің мамандары әзірлеген.