Әлем

Ресей Қазақстанмен авиақұрылыс саласындағы байланысты арттырады - Путин

© Sputnik / Павел Бедняков / Медиабанкке өтуОткрытие МАКС-2021
Открытие МАКС-2021 - Sputnik Қазақстан, 1920, 20.07.2021
Жазылу
Ресей президенті Владимир Путин МАКС он бесінші халықаралық авиағарыш салонының ашылуында сөз сөйледі

НҰР-СҰЛТАН, 20 шілде - Sputnik. Ресей Қазақстан және Еуразиялық экономикалық одаққа мүше өзге елдермен авиақұрылыс саласындағы байланысты арттыруға ниетті. Бұл туралы он бесінші МАКС авиасалонының ашылуында сөз сөйлеген Ресей президенті Владимир Путин айтты.

"Бұл авиасалонда Ресеймен серіктес ел ретінде Қазақстан болатынын ерекше атап өткім келеді. Біз қазақстандық әріптестермен және Еуразиялық экономикалық одаққа мүше өзге елдермен авиақұрылыс сынды жоғары технологиялық салада әріптестікті нығайтуды жоспарлап отырмыз", - деді ол.

Халықаралық авиағарыш салоны (МАКС) - авиация және ғарыш техникасы және авиақұрылыспен байланысты ғылым мен техника жетістіктерінің көрмесі. Көрме дәстүрі бойынша ұшу аппараттары әуеде қалықтайды, деп жазады РИА Новости.

Бұл жиын Мәскеу маңындағы Жуковский қаласында екі жылда бір рет өтеді. Әлемдегі он ірі авиафорум қатарына кіреді.

Бұған дейін Ресейдегі Қазақстан елшілігі отандық павильон суретін жариялаған болатын.

 

Жаңалықтар
0