Әлем

Өзбекстанда салмақ тастаған адамдарға ақша береді

© Shutterstock/FotodomДержим себя в руках. Сохранить фигуру на новогодних праздниках
Держим себя в руках. Сохранить фигуру на новогодних праздниках - Sputnik Қазақстан, 1920, 21.12.2021
Жазылу
Билік осы әдіс арқылы адамдарды салауатты өмір салтын ұстанып, дұрыс тамақтануға әдеттендіруді көздеп отыр
НҰР-СҰЛТАН, 21 желтоқсан – Sputnik. Өзбекстан облыстарының бірінде азаматтарға артық салмақтан арылғаны үшін ақы төлейтін болды.
Ферғана облысының басшысы Хайрулло Бозоров осындай ерекше бастама көтерді. Ол жоғалтқан әрбір келі үшін 500 сом (20 297 теңге) төлеуге уәде етті.
Шенеунік осы әдіс арқылы семіздік және дұрыс өмір салтын ұстанбаудан туындайтын аурулармен күреспекші, деп жазды Sputnik Өзбекстан.
"Салауатты өмір салтын ұстанбаудың салдарынан науқастар саны өсіп жатыр. Мысалы, қант диабетіне шалдыққан 32 мың адамның небәрі 2 мыңына бұл дерт тұқым қуалау арқылы берілген. Қалған 30 мың адам семіздік, дұрыс тамақтанбау, отырып көп жұмыс істеу салдарынан осы ауруға шалдығып отыр", -деді өңір басшысы.
Салауатты өмір салтын насихаттау мақсатында Ферғана облысында артық салмағы бар адамдарды ынталандыруға бағытталған арнайы жүйе іске қосылады.
Азаматтар емханаға барып, өздерінің қазіргі салмағын тіркейді деп жоспарланып отыр. Жарты жылдан кейін қайтадан салмақ өлшейді де, жоғалтқан әрбір келі салмақ үшін 500 мың сомнан алады.
"Осылайша 5 келіге арықтаған адамға 2,5 миллион сом беріледі. Сол сияқты 10 келі артық салмақтан арылса, онда 5 миллион алады. Одан кейін ақы төлеудің қажеті жоқ. Себебі 10 килограмға арықтаған адамның көзі ашылып, ол өмірге басқаша қарай бастайды", - деді Хайрулло Бозоров.
Облыс басшысының айтуынша, Өзбекстанда зиянды өмір салтынан, артық салмақтан, дұрыс тамақтанбаудан және аз қозғалудан туындаған аурулар деңгейі 80%-ке жетті.
Оқи отырыңыз: Дәрігер 40 жастан кейін ағзадағы холестеринді азайтатын азық-түлікті атады 
Жаңалықтар
0