Видео

ҰҚШҰ бітімгершілік операциясы аяқталды: Ресейдің соңғы бөлімшесі елден кетті – видео

Жазылу
Yandex newsTelegram
Қазақстан аумағында ҰҚШҰ Ұжымдық қауіпсіздік кеңесінің шешіміне сәйкес жүргізілген бітімгершілік операциясы аяқталды
Қаңтар айының басында Алматыда бейбіт митингінің соңы лаңкестік әрекетке ұласты. Көшеге шыққандар полиция көліктерін қиратып, әкімшілік ғимараттарды өртеп жіберді. Алматы полиция департаментінің ғимаратына шабуыл жасады. Президент Қасым-Жомарт Тоқаевтың айтуынша, Алматы қаласы мен 9 облыс орталығы шабуылдаушылардың қолында болған. Содырлар тіпті Ақорданы да басып алуды жоспарлаған. Алайда елордаға үш әскери көлік ұшағының келгенін естіп, бұл жоспарынан бас тартқан.
Осы оқиғалардан кейін президент ҰҚШҰ-дан көмек сұрады. Осылайша Қазақстанға 2 мыңнан аса ҰҚШҰ күштері мен 250 техника кіргізілді. Олар стратегиялық маңызды объектілерді күзетуге кірісті.
19 қаңтарда бітімгершілік операциясы аяқталды. Ресей Федерациясы Қарулы күштерінің соңғы бөлімшесі және Ұжымдық бітімгершілік күштерінің қолбасшылығы Алматыдан тұрақты орналасу пунктеріне аттанды. Қазіргі таңда бүкіл әскери контингент толық шығарылды.
Оқи отырыңыз:
Жаңалықтар
0