Елорда тынысы

Елордада жасөспірім аулада тұрған бөтен көлікті танысына сатып жіберді

© Photo : Рixabay/StockSnapАрхивтегі сурет
Архивтегі сурет - Sputnik Қазақстан, 1920, 18.01.2022
Жазылу
Yandex newsTelegram
Бұзылған автокөлік үйдің ауласында тұрған. Көліктің жаңа иесі оны сүйреп әкеткен
НҰР-СҰЛТАН, 18 қаңтар – Sputnik. Нұр-Сұлтан қаласында жасөспірім бөтен біреудің жеңіл көлігін танысына сатып жіберді, деп хабарлайды елорда комендатурасының баспасөз қызметі.
Қалалық полицияға елорда тұрғыны шағымданған. Айтуынша, белгісіз біреу түнде аулада тұрған бұзылған Lada Priora көлігін ұрлап әкеткен.
"Ер адам оталдыру кілтін көлігінің ішінде ұмытып, есіктерді ұзақ уақыт ашық қалдырғаны анықталды. 17 жастағы жасөспірім де мұны пайдаланған. Бозбала өзін көлік иесі ретінде таныстырып, танысына автокөлікті аздаған сомаға сатып алуды ұсынған", - делінген хабарламада.
Сатып алушы темір тұлпарын үйіне сүйреп әкеткен.
Оқи отырыңыз: Нұр-Сұлтанда жүргізушілер айып тұрақтарына баса-көктеп кірді
Бұл факті бойынша сотқа дейінгі тергеу жүргізіліп жатыр. Кәмелетке толмаған бала ювеналды полицияның ерекше бақылауына алынды.
Кәмелетке толмағандардың ісі жөніндегі комиссия жасөспірімді девиантты  мінез-құлықты балаларға арналған арнайы мектепке жіберуді шешті. Соңғы шешімді сот қабылдайды.
Жаңалықтар
0