НҰР-СҰЛТАН, 9 қараша – Sputnik. Қазақстанның 13 облысы мен Нұр-Сұлтан қаласында қатты жел тұрып, бұрқасын көтерілуіне байланысты дабылды ескерту жарияланды, деп хабарлайды Sputnik Қазақстан төтенше жағдайлар министрлігіне сілтеме жасап.
Нұр-Сұлтан қаласында жаңбыр, қар жауып, көктайғақ болады, 9-14 м/с жылдамдықпен соққан желдің екпіні секундына 23 метрге дейін жетеді.
Ақмола облысында тұман түсіп, көктайғақ болады, жаяу бұрқасын соғады, желдің екпіні 15-20 метрге күшейеді.
Ақтөбе облысында тұман, көктайғақ болады, секундына 15-20 метр жылдамдықпен жел тұрады.
Алматы облысында желдің екпіні секундына 17-22 метрге күшейеді.
Атырау облысында желдің екпіні секундына 15-20 метрге күшейеді.
Шығыс Қазақстан облысында желдің екпіні секундына 15-20, 25 метрге жетеді.
Батыс Қазақстан облысында тұман түсіп, желдің екпіні секундына 15-20 метрге күшейеді.
Қарағанды облысында тұман түсіп, көктайғақ болады, жаяу бұрқасын соғады, жел –15-20, екпіні секундына 28 метрге жетеді.
Оқи отырыңыз: Қазақстанда қыс қандай болады – синоптиктердің болжамы
Қостанай облысында тұман, көктайғақ, секундына 15-20 метр жылдамдықпен жел тұрады.
Қызылорда облысында шаңды дауыл көтеріліп, жел секундына 15-20 метр жылдамдықпен ұйытқиды.
Маңғыстау облысында желдің екпіні 15-20, 23-28 метрге жетеді.
Павлодар облысында желдің екпіні секундына 15-20 метрге күшейеді.
Солтүстік Қазақстан облысында тұман, көктайғақ болып, жаяу бұрқасын соғады, жел секундына 15-20 метрге күшейеді.
Түркістан облысында жаңбыр, қар жауып, тұман түседі, жел секундына 15-20 метрге күшейеді.
"Жауын-шашын түсуіне байланысты көктайғақ болады. Соның салдарынан жол апаты, сондай-ақ жаяу жүргіншілердің жарақат алуы жиілейді. Көктайғақ кезінде азаматтарға тайғанамайтын аяқ киім кию ұсынылады", - дейді құтқарушылар.
