АСТАНА, 31 қаңтар — Sputnik. Жартылай ауыр салмақта WBO тұжырымы бойынша әлем чемпионы Сергей Ковалев Геннадий Головкинді мексикалық Сауль "Канело" Альвареспен реванш өткізу жөнінде келісімге келуімен құттықтады, деп хабарлайды Sports.kz.
"Геннадий Головкин мен оның командасын 2018 жылдың 5 мамырында Сауль Альвареспен жекпе-жек өткізуге келісім жасап, оны ресми жария етуімен құттықтаймын. GGG, АЛҒА. Бұл жолы "сарыны" төрешілер құтқара алмайтындай етіп жеңуіңе тілектеспін!", — деп жазды Ковалев Instagram-дағы аккаунтында. Головкин – Альварес реваншы 5 мамырда өтеді. Жекпе-жек қайда өтетіні кейінірек хабарланады.
