АСТАНА, 9 қаңтар — Sputnik. Бүгін Қазақстан аумағының басым бөлігінде қар жауады, тек оңтүстік шығыста ауа райы жауын-шашынсыз. Кей жерлерде бұрқасындатып, көктайғақ болады, тұман түсіп, жел күшейеді, деп хабарлайды Қазгидромет.
Ақмола, Павлодар облыстарының кей жерлерінде бұрқасындатып, көктайғақ болады, жел 15-20 м/с күшейеді, күндіз Ақмола, Павлодар облыстарында желдің екпіні 23-28 м/с болады.
Солтүстік Қазақстан облысының басым бөлігінде жел 15-20 м/с күшейеді, кей жерлерінде екпіні 23-28 м/с дейін жетеді, кей жерлерінде бұрқасын болады.
Қарағанды облысының кей жерлерінде бұрқасындатады, жел 15-20 м/с күшейеді, түнде кей жерлерде тұман түседі.
Қостанай облысының кей жерлерінде бұрқасындатып, көктайғақ болады, басым бөлігінде жел екпіні 15-20 м/с күшейеді.
Шығыс Қазақстан облысының кей жерлерінде 15-20 м/с жылдамдықпен жел соғады, күндіз кей жерлерде бұрқасын болады.
Батыс Қазақстан, Ақтөбе облыстарында бұрқасын болады, жел 15-20 м/с күшейеді.
Жамбыл, Оңтүстік Қазақстан, Қызылорда облыстарының кей жерлерінде тұман түсіп, көктайғақ болады, жел 15-20 м/с күшейеді.
Атырау облысының кей жерлерінде тұман түсіп, көктайғақ болады.
Маңғыстау облысының кей жерлерінде көктайғақ болады, күндіз жел 15-20 м/с күшейеді.
