АСТАНА, 26 желтоқсан — Sputnik. Бүгін еліміздің басым бөлігінде атмосфералық фронттардың өтуіне байланысты ауа райы жауын-шашынды болады, көбінесе қар жауады деп болжанып отыр. Сондай-ақ тұман түсіп, бұрқасын, көктайғақ болады, жел күшейеді, деп хабарлайды Қазгидромет.
Шығыс Қазақстан облысының кей жерлерінде бұрқасындатып, тұман түседі, көктайғақ, 18-23 м/с жылдамдықпен жел тұрады, күндіз 15-20, кей жерлерде 23-28, екпіні 30 м/с және одан да жоғары мүмкін.
Батыс Қазақстан, Атырау облыстарының кей жерлерінде бұрқасын, жел 15-20 м/с, Батыс Қазақстан облысында екпіні 25 м/с күшейеді.
Оңтүстік Қазақстан облысының кей жерлерінде тұман түсіп, көктайғақ болады, жел 15-20, екпіні 23-28 м/с күшеюі мүмкін.
Алматы, Қызылорда, Маңғыстау, Қарағанды облыстарының кей жерлерінде тұман түсіп, жел 15-20 м/с күшейеді, Қызылорда, Қарағанды, Маңғыстау облыстарында көктайғақ болады.
Ақмола, Қостанай облыстарының кей жерлерінде тұман түсіп, көктайғақ болады, бұрқасындатып, жел күшейеді – 15-20 м/с.
Күндіз Ақтөбе облысының кей жерлерінде бұрқасын, жел 15-20 м/с күшейеді.
Солтүстік Қазақстан облысының кей жерлерінде бұрқасындатып, тұман түседі, көктайғақ болады.
