АСТАНА, 14 желтоқсан — Sputnik. Астана тергеу изоляторының қызметкері өз-өзіне қол жұмсады, деп хабарлайды ішкі істер министрлігі қылмыстық-атқарушы жүйе комитетінің баспасөз қызметі Sputnik Қазақстан агенттігіне.
Астана ЕЦ-166/1 тергеу изоляторының қызметкері желтоқсан айының басында өз-өзін өлтірген.
"Бұл оқиға демалыс күні, қызметтен тыс, өз үйінде болған. Ер адамның соңынан отбасы, бала-шағасы қалды", — деп хабарлады агенттікке сұхбат беруші.
Дерек сотқа дейінгі тергеулердің бірыңғай реестріне тіркелген.
Қылмыстық қудалау органдары оқиғаның мән-жайын анықтайды.
