АСТАНА, 19 сәуір — Sputnik. Астана әкімдігінің ескерткіштер мен тарихи-мәдени мұра нысандарын қорғау дирекциясы "Қазақ Елі" монументінде табылған жазуларды өшірді деп хабарлайды мәдениет, мұрағаттар және құжаттама басқармасының баспасөз қызметі.
Жазу жазлған бетті түгелдей гүлжапырақ түстес етіп бояу арқылы жазулар кетірілді. Бұл жұмысты орындау үшін кәсіби альпинисттер шақырылған.
Монументтегі жазулар Наурыз мейрамын тойлау кезінде дрон арқылы бейнеге түсіру барысында Самұрық пен шарды қоршап тұрған гүлжапырақтардың ішкі жағынан табылған. Ескерткіштерді қорғау саласындағы мамандар мен скульптор Мұрат Мансұров айтып өткендей, жазуды монументті тұрғызуға қатысқан құрылысшылар ешқандай арам ниетсіз жазып қалдырған болуы мүмкін.
