АСТАНА, 7 нау — Sputnik. Республиканың солтүстік бөлігінде атмосфералық фронттардың өтуіне байланысты күндіз азғана жауын-шашын күтіледі, деп хабарлайды "Қазгидромет" метеоқызметі.
Алматы, Маңғыстау облыстарының кей жерлерінде түнде және таңертең тұман күтіледі, Алматы облысында Жалаңашкөл ауданында жел 18-23 м/с болады.
Солтүстік Қазақстан облысының кей жерлерінде түнде және таңертең тұман күтіледі, күндіз көктайғақ, кей жерлерінде жел 15-20 м/с жаяу бұрқасынмен күшейеді.
Оңтүстік Қазақстан облысының кей жерлерінде түнде тұман күтіліп, жел 15-20 м/с күшейеді.
Атырау облысының кей жерлерінде тұман, көктайғақ күтіледі.
Ақтөбе, Қостанай, Павлодар, Қарағанды, Шығыс-Қазақстан облыстарының кей жерлерінде тұман болады.
