АСТАНА, 25 қаң — Sputnik. Астанада өткен Сириядағы ахуалды саяси реттеу бойынша келіссөздер елдің болашағы үшін өзгерісті кезең болуы мүмкін деп мәлімдеді Түркияның сыртқы істер министрі Мевлют Чавушоглу деп хабарлайды РИА Новости.
Астанадағы келіссөздер барысында Ресей, Иран және Түркия Сириядағы бітімнің кепілгерлері ретінде САР-дағы қарулы қақтығысты тоқтату режимін бақылайтын үш жақты тетік құру туралы келісімге келді.
"Қақтығысушы тараптар бітімге келу режимін нығайту жолдары мен оның бүкіл Сирия аумағына таралуы туралы пікір алмасты. Тараптардың бір-біріне деген сенімі ұлғайғандығын ескерсек, бұл кездесудің маңызы өте зор. Астанадағы келіссөздер нәтижесі "женевалық үдеріске" үлесін тигізіп, Сирия болашағы үшін өгерісті кезең болатына үміт артамыз", — деп мәлімдеді Чавушоглу тілшілерге Мозамбикте. СІМ басшысы Түркия президенті Тайип Ердоғанмен бірге бұл елге іссапармен келген еді.
